කිමෙද මෙතරම් නිහඬ රාත්‍රිය ..

 

                                                                           💖

එක්ව හිඳ උන්නත් ගල්තලාවේ,

සිතේ තරහව නැත පහව ගියේ

දෙදෙන අප පමණක්ම නොම මෙහි,

අවට පරිසරයද නිහඬ වූයේ,

වැරදිකරුවන් සේය ඔවුනුත්

ඇල්ලුවේ අතකින් පමණ මුදු,

දැනුණි එය හදවතට පෙර සේ

සඳුද හිනැහී විමසන්නේ අපගෙන්,

කිමෙද හේතුව නිහඩ වීමට

එයම ඇසුමුත් හදවතෙන් මගේ,

සෙවීමට හැකි නොවුනි පිළිතුර

බැලුව මුත් ඇගේ දෑස් දෙස මා,

නොවුනි එහි තරහවක් පෙර සේ

සිතුනි සිපගන්නට ඇයගේ දෙකොපුල්,

නමුත් නිහඬය තාම පෙර සේ

බලා සිටියෙමි දෑස් දෙස ඇගේ , 

ලැබෙන තුරු අවසරය මා හට

සිනාසුණි ඇය පෙර නොවූ ලෙස,

අවධි කරමින් ඇගේ කටහඬ

තුරුළු විය මා වෙතට හිනැහී,

බිදී ගොස් ඇත නිහඬතාවය

කිමෙද සුන්දර අහස මෙතරම්,

වහන් වූ මුත් සඳුද අහසේ.....

                                                                            ♡♡ශෂී♡♡✍