පින්බරයි ඈ අද නිහඬ බැල්මෙන්.. 🎕

                                                                            🎕

විඩාබර ගතට,

 අවැසි විවේකය

කවදා  කොතැනක,

 හමුවේද අපහට

ඉවසා බලා සිටියෙමි, 

පාටක් නැත හමුවන

දිනක් මුණගැසුණු ඒ රුව,

ජීවිතයේ හැරවුමට 

තුඩු වන බව නොදැන,

ඇසුරු කළා පෙර සේ, 

කල්‍යාණ මිතුරකු ලෙසින

අවබෝධ වූ විගස 

අතහැර දැමුවෙමි සියල්ල,

හැඳ සිටි වස්ත්‍රයක්,

 උනා දැමූ විලස

ලැබුනේ වරමක්, 

දරන්නට කසාවත 

අඳුරෙන් ආලෝකයට,

 තබමින් පියවරක්

සිත දැන් නිදහස් ය

විඩාබර ගතට ලැබී ඇත,

 අවැසි විවෙිකය

සනිටුවහන් කරමින් 

අවසානය

යාමට අවසරයි මෑණියනි,

සියලු දුක් නසන්නට.

                                                           ♡♡ශෂී♡♡✍